Um Sveinbjörgu

Færa
Loka

Karfan mín

Karfan þín er tóm

Um Sveinbjörgu

Sveinbjörg Hallgrímsdóttir er fædd í Reykjavík 01.10.1957. Hún hóf nám við Kennaradeild Myndlista- og handíðaskóla Íslands árið 1974.

Á árunum 1986 til 1990 stundaði hún nám við Myndlistaskóla Reykjavíkur og þvínæst við málaradeild Myndlista- og handíðaskóla Íslands árin 1990 til 1992.

Frá árinu 1992 hefur Sveinbjörg verið með eigin vinnustofu. Í dag starfrækir hún vinnustofu sína og sýningaraðstöðu, Gallerí Svartfugl og Hvítspóa, í miðbæ Akureyrar ásamt Önnu Gunnarsdóttur textíllistakonu.

Samfara myndlist starfaði Sveinbjörg sem myndlistarkennari. En nú hefur hún helgað sig myndlistinni eingöngu.

Sveinbjörg er félagi í grafíkfélaginu Íslensk Grafík og Sambandi íslenskra myndlistarmanna (SÍM). Hún er einnig meðlimur í dönsku grafíksamtökunum Fyns Grafiske Værksted í Óðinsvéum.

Sveinbjörg er mjög tengd náttúrunni og sem endurspeglast í verkum hennar:

,,Umhverfið hefur alla tíð haft sterk mótunaráhrif á mig. Ég naut þess að alast upp í faðmi náttúrunnar. Ég man alltaf eftir því þegar ég lá á jörðinni sem barn, horfði upp í himininn og skynjaði logn eða storm, snjó eða rigningu, heiðan himinn eða óveður. Ekkert jafnast á við þá reynslu. Það voru litirnir þögnin og friðurinn sem báru mig skýjum ofar. Þetta var mitt líf, minn auður og fjölbreytileiki.

Á öskudaginn á Akureyri fæ ég aftur þessa tilfinningu fyrir lífinu og tilverunni. Litadýrðin, gleðin, frelsið og samheldnin ráða ríkjum þrátt fyrir duttlunga himinsins. Veðurfarið skiptir ekki máli, allir krakkar skulu klæða sig upp og taka þátt. Ég horfi á þessar litlu kynjamyndir sem birtast snemma að morgni á götum bæjarins, óháðar veðri og vindum í fullum litaskrúða. Allt sem himininn forðum, ýmist kyrrt, ókyrrt, ásjálegt eða óásjálegt. Ég horfi á mannmergðina liðast áfram eftir götum bæjarins og sé þennan mannauð, mannlífið og fjölbreytileikann í öllum sínum myndum. Skyldi himininn sortna, flýgur hugurinn frjáls."

Fjölmargir eiga verk eftir Sveinbjörgu, þar á meðal Forseti Finnlands og Konungur Svíþjóðar, en verk hennar hafa farið út um allan heim.

Einkasýningar / Solo exhibitions:

Richardshús, Hótel Hjalteyri 1994
Stöðlakot Reykjavík 1995
Gallerí ASH, Lundi, Varmahlíð 1995
Café Karólína, Akureyri 1998
Listmunahús Ófeigs, Reykjavík 1998
Gallerí ASH, Lundi, Varmahlíð 2000
Bláa kannan, Akureyri 2004
Skriðuklaustur 2005
Blær - Svartfugl og Hvítspói 2005
Dögun - Gallery Fold, Reykjavík 2006
Hringleikur á aðventu - Bláa kannan, Akureyri 2007
Sumarsýningar - Bláa kannan, Akureyri 2008

Samsýningar / Joint exhibitions :

Óháð Listahátíð, Reykjavík 1993
Gallerí Snærós, Stöðvarfirði 1994
Dagar Ólafs Bekks, Ólafsfirði 1994
Sumarsýning Grafíkfélagsins 1994
Afmælissýning, Ólafsfirði 1995
Gallerí Listakot, Reykjavík 1996
Gallerí Listakot, húsin í bænum, Reykjavík 1996
Deiglan, englar, Akureyri 1996
Gallerí Listakot, ljósið, Reykjavík 1996
Gallerí Listakot, menjar, Reykjavík 1997
Deiglan, Listasumar, Akureyri 1997
Tromsö, Noregi 1997
Gallerí Listakot, gnægtaborð, Reykjavík 1997
18th Mini print International 1998
Listaskálinn, samsýning, Ísl. Grafíkfél. 1998
Páskasýning Hruna 2000
Ketilhús, val Höddu, listasumar, Akureyri 2000
Samlagið Listhús, Akureyri 2000
Listasafnið Akureyri, Akureyri í myndlist 2001
Norræna Húsið, Færeyjum 2002
Safnahúsið Húsavík 2002
13+3 Lystigarðurinn Akureyri 2003
Jónshús, Kaupmannahöfn 2004
Í dimmunni, Grafíksafn Íslands 2004
Fynsk Grafiske Værksted, Danmörk 2005
Under the artic sun, Katuak, Nuuk, Grænland 2005
Den Grafiske genebank, Silkeborg Bad, Danmörk 2005
Loki. Skólavörðuholti 2006
Den grafiske genebank, Johannes Larsen museet, Kerteminde, Danmörk 2006
Smeltevand, Grænlandshús, Kaupmannahöfn 2007
Smeltevand, Portalen Greve, Danmörk 2008
Bráðnun, Ketilhúsið Akureyri 2008
Freyjumyndir, Akureyri 2009

Verk í opinberri eigu / Officials owners:

Fjórðungssjúkrahúsið á Akureyri
Menntaskólinn á Ísafirði
Finnlandsforseti
Oddeyrarskóli
Framhaldsskólinn Húsavík
Verkmenntaskólinn á Akureyri
Húsavíkurbær
Viðskiptaháskólinn á Bifröst
Konungur Svíþjóðar
Akureyrarbær
Umhverfisráðuneytið
Listasafn ASÍ

Viðurkenningar, vinnustofudvalir ofl. / Awards, workshops etc.:

Bæjarlistamaður Akureyrar 2004 /
City artist of Akureyri 2004
Almanak Þroskahjálpar 2004 /
Þroskahjálp Calendar 2004
Skriðuklaustur - dvöl í listamannaíbúð 2004
Fyns Grafiske Værksted, Óðinsvéum 2006
Kjarvalsstofa, Cité Internationale des Arts, París Frakkland 2007
Listamaður ársins, Stíll 2007-2008